"Mabait ka pala sa bata," sabi ko kay Crisler habang nagda-drive ako pa-uwi. Kakaalis lang namin sa bahay nila Aling Celsa. Sobrang saya ni Wilson nang makausap niya si Crisler, pasalamat siya nang pasalamat sa akin kasi raw dinala ko raw sa kaniya si Crisler.
Sa buong pag-stay namin sa bahay nila ay si Crisler at Wilson ang magkasama, hindi sila na uubusan ng mga pag-uusapan nila. Nakita ko rin naman sa mukha ni Crisler na masaya siyang kausap ang bata.
"Medyo lang, lagi kasi akong sumasama kay Mommy kapag pupunta siya sa mga outreach program niya," sagot nito habang nakatingin sa labas ng bintana.
"Akala ko wala kang ka-amor-amor sa mga bata," sabi ko sa kaniya. Humarap naman siya sa akin at tiningnan ako.
"Sino sila?" Tanong niya sa akin. Nagkibit balikat lang ako sa kaniya, hind
