Lalo pang tumagaktak ang pawis sa aking noo. Nanuyot bigla ang aking lalamunan. Nagising na lamang ako sa katotohanan nang sikuhin ako ng aking kaibigan na si Marlon. Medyo nauga ang buo kong pagkatao.
"Uy bakla. Nakatingin sayo!" Kilig na kilig na bulong nito.
Napangiwi ako sa kanya. Kung alam lang ng aking kaibigan ang kwento namin ni Gabriel. Baka pati sya ay kamuhian ang gwapong Montenegro na yan. Kila Nanay at Tatay ko huling ikinuwento ang tungkol kay Gabriel Montenegro. Hindi ko na muling binuksan pa ang mapait na alaala ko sa kanya.
Tapos ngayon ay bigla syang susulpot sa buhay ko. Kung kelan nakalimutan ko na sya. Kung kailan masaya na ang buhay ko. Bigla na lamang nyang gagambalain ang natutulog kong puso.
Napalihis na ang kanyang tingin sa akin ng imbitahan na sya ni archite
