Wala sa hinagap ko na mangyayari ang kahihiyang ito sa aking buhay.
Hiyang hiya ako sa aking magulang dahil pinagkatiwalaan nila ako.. marami akong pangarap para sa kanila.. napakarami kong pangarap para sa aking pamilya.
Tapos ay masisira lang lahat dahil sa katangahan at karupukan na nangibabaw sa akin. Bakit ba kasi hindi ko napigilan? Bakit ko ba pinayagan?
Ngayon ay ikakasal ako sa taong lubos na nagparanas sa akin ng sakit. Matatali ako sa taong nagparamdam sakin ng poot at galit .
Pero nandito na ako. Wala na kong magagawa pa kundi sundin at sumabay sa agos ng tadhana.
Dalawang linggo lang ang inilaan namin para sa aming kasal. Madali lang ang nangyaring paghahanda, dahil sa yamang taglay ni Gabriel Montenegro, lahat ay nailagay sa ayos. Pera lang ang umiral para mapadali ang
