SA isang iglap agad naisalya ni Michael ang dalaga sa pader ng terrace. Parang binuhusan siya ng kumukulong tubig nang marinig ang pag-amin ni Cristina na pinsan niya si Timoteo. Pakiramdam niya pinagkaisahan siya ng mga ito. Masakit isipin ang taong lubos mong minahal at pinagkakatiwalaan ay siya pa lang gagago sa ’yo. Dahil sa sobrang galit naikuyom ni Michael ang kanyang kamao.
Takot ang nadarama ni Cristina nang makita niyang nakakuyom ang kamao ng binata. Hindi niya alam kung ano’ng kasalanan ng kanyang pinsan dito at galit na galit ito. At kung bakit nagkakagano’n ito. Kung galit ito sa kanyang pinsan, bakit pati siya idinadamay nito? Gano’n na ba kalaki ang kasalanan ng pinsan niya rito at pati siya gusto rin saktan nito.
Ipinikit ni Cristina ang mga mata. Hinintay na lamang ni
