Nasa third trimester na ang ipinagbubuntis ni Tina at halos hindi na ito iniiwan ni MK. Sobrang laki nang tiyan nito dahil sa kambal na ipinagbubuntis. Napagdesisyunan nilang mag-asawa na caesarian delivery ang gagawin kay Tina dahil nga kambal at para maiwasan ang anumang komplikasyon sa panganganak. Handa na rin lahat ng gamit ng babies na dadalhin sa hospital pag oras nang panganganak ni Tina. Pansamantalang tumira sa kanila si Bea para ma-assist si Tina sa anumang oras na kailangan.
Natutuwang pinapanood ni Tina sa kanyang cellphone ang 4-D ultrasound result ng kanyang mga sanggol. Napapangiti siya habang minamasdan ang wangis ng magkambal, isang babae at isang lalake. Malikot na ang mga ito sa loob ng kanyang sinapupunan. May nakahanda na rin silang pangalan para sa mga sanggol at
