Nagsimula na sa paghahanap kay Tina si MK. Una niyang pinuntahan si Ems sa trabaho nito.
“Ems, please. Baka naman pwede mo ng ibigay ang number ni Tintin,” nakikiusap na wika ni MK.
“Sir MK, Boss kita kaya sinusunod ko lahat ng utos mo. Pero hindi kasali dito ang personal na buhay,” pormal na wika ni Ems.
“Ems, bestfriend mo si Tina. Alam kong alam mo kung saan siya makikita.” Nais man mainis ni MK kay Ems pero nagpakumbaba pa rin siya. Tumingin pa siya kay Brix ng nagpapasaklolo subalit waring wala naman itong pakialam sa pinag-uusapan nila.
“Sir MK,” tumigil si Ems sa ginagawa at hinarap nito si MK. “Alam mo ba ang tinatawag na right to privacy?” Ipinagpatuloy ni Ems ang sasabihin ng hindi sumagot si MK. “Respeto sa kahilingan ng isang tao na gusto muna ng tahimik at hindi magulong b
