"Aalis muna ako at may mahalaga akong dapat asikasuhin sa Maynila. Bantayan mong maigi si Mira. At kung may makita ka na ibang tao na kahina-hinala ang kilos at umaaligid ay tawagan mo kaagad ako, ha?" bilin ni Nick kay Ruth habang nag-aayos siya ng kaniyang gamit.
"Ha? Bakit anong nangyayari? Bakit biglaan naman ang pag-alis mo?" magkasunod na tanong nito sa kaniya habang nakakunot ang noo. Kita sa mukha ni Ruth ang pagtataka sa kaniyang sinabi at ikinikilos. Tumigil siya sa ginagawa at hinawakan ang mga kamay ito.
Mabuti na lamang at wala pang kliyente na dumating.
"I'm sorry, Ruth. Gustuhin ko man pero hindi ko pa pwedeng sabihin sa iyo. It's very complicated. Sa ngayon ay mas makabubuti sa'yo na wala ka munang alam. Time will come at malalaman mo rin ang lahat. Just follow what I
