ANIKA
Dahil narito sa bahay si Doctor Tanerla, kaya hindi na dinala ni Harold si Clara sa ospital. Masama ang tingin nila sa akin, pero hanggang ngayon wala akong naririnig na kahit ano mula sa kanila.
Alam kong galit sila sa akin dahil ako ang sinisisi nila sa pagsugod ni Kuya Aidan dito sa bahay, pero wala na akong pakialam kahit ano pa ang sabihin nila ngayon.
Kumakain ako ng almusal nang pumasok dito sa dining room si Harold kasama si Claire. Hindi ko sila kinibo. Hindi rin ako nag-abala na kausapin sila. Hindi ko ginawa ang mga bagay na ginagawa ko noon bilang devoted na asawa at ina kay Claire.
Hindi ko sila nilagyan ng kanin at ulam sa mga pinggan sa harap nila. Ang sabi ni Martha, ako daw ang gumagawa nito dahil mahal na mahal ko silang mag-ama.
“I hate you!” malakas na sabi
