Sunod-sunod na putok ang narinig ni Onyx sa labas. Sa tantiya niya, sumunod na talaga ang kaniyang mga kasamahan. Matagal nang lumipas ang sampung minuto na sinabi niya ngunit hindi pa rin siya nakapagbigay ng signal kaya tumuloy na ang mga ito.
Naroon siya ngayon sa loob ng laboratoryo at nakahandusay. Tinamaan siya sa tagiliran at malakas ang bulwak ng dugo mula sa kaniyang katawan.
Hanggang ngayon hindi pa siya makapaniwala na binaril nga siya ni Caroline. Nang matumba siya ay mabilis nitong dinaluhan si Hermoso at sabay na tumakas ang dalawa. Gusto niyang magalit sa sarili kung bakit sa lahat ng tao sa mundo na babaeng katulad pa nito siya nahulog. Ang bobo niya.
She's really extra-ordinary. She's beautiful but tough and dangerous.
