"Ano bang nangyayari sa akin?" tanong ni Eumir. Isang araw na siyang naka-confine dito sa Froilandon Medical City. May mga ginawang tests sa kanya at hindi niya alam kung ano ang mga iyon. Naiinis siya dahil imbes na magdiwang siya dahil sa pagkakakuha ng gold medal ay hindi niya magawa dahil nandito siya sa ospital. Ito kasi ang unang beses na makasungkit siya ng gold medal sa olympics.
"Maghintay na lang tayo ng result. Ipagdasal natin na hindi malala ang mga resulta ng mga tests sa'yo. Magse-celebrate pa tayo. Ipapatawag ka pa sa palasyo for courtesy call ng pangulo natin," sabi ng kanyang coach. Napabuntong hininga na lamang siya.
Noong mga nakaraang linggo, bago ang kanyang laban sa olympics ay nakaramdam siya ng pagkirot ng kanyang tuhod. Hindi niya ito masyado pinansin dahil foc
