Si Leslie ang nagprisinta na magbantay kay Emilia at sa bagong silang. Naubos ang oras nila sa pakikipag-usap at naaaliw sa pagbabantay sa kasisilang pa lang na anak ni Emilia. Katatawag lang ni Albert na nakauwi na raw ito at nagpaalala na tawagan s'ya kung kailanganin s'ya sa hospital. Naghahapunan ang magkaibigan ng may kumatok sa kanyang silid.
"May inaasahan ka bang darating?" tanong ni Leslie.
"Wala," maiksing sagot ni Emilia na may pagtataka.
Tumayo si Leslie upang pagbuksan ang bisita. May dala itong mga prutas at bulaklak.
"Sino po sila?" takang tanong ng kaibigan.
"Matalik na kaibigan ako ni Emilia. Galing ako ng Nueva Ecija," pagpapakilala nito.
Pinapasok ito ni Leslie.
"Hi!" bati ng bagong dating kay Emilia.
"Ano'ng ginagawa mo rito? Paano mo nalaman na andito ako
