ANG WEIRD ng feeling. Bakit ba ganito? Parang may nagmamasid sa kaniya?
Tumunghay muli si Chanel, tumingin sa paligid ngunit parang wala namang kakaiba. Lahat naman ng mga nasa paligid ay may kanya-kanyang ginagawa. Doon sa kabilang lamesa, busy ang mga kabataan na nagkukulitan habang ang iba ay may kanya-kanyang hawak na gadget at iyon ang pinagkakaabalahan. Sa kabilang lamesa naman, nag-iisa lang ang babaeng nakaupo at tahimik na iniinom ang kape.
Hay, ano ba itong pakiramdam na ito? Para talagang may nanonood sa bawat kilos niya. Totoo ba ito o baka naman tamang hinala lang siya?
Nagkibit-balikat na lang si Chanel at muling ipinagpatuloy ang pagkain niya ng crêpe.
Muling bumalik na naman ang pakiramdam na ito. Talagang may nagmamasid sa kaniya eh!
Kaya muling iginala niya ang panin
