"Nga pala Jana. Bakit gusto mong pumunta sa kanluran?" tanong sa akin ni Ken.
Gabihan na kaya nandito kaming lahat sa kainan para kumain. Hindi pa dumating ang mga in-order namin. Habang naghihintay ay nag-uusap kami.
Napatingin ako kay Ken dahil sa tanong niya. Pinaghandaan ko na ang tanong na 'to. Alam kong itatanong nila ito sa akin kaya pinag-isipan ko ng mabuti ang magiging sagot ko para maiwasan na maghinala sila sa akin.
"Lahat ng mga tao sa lungsod ay gustong pumunta sa Kanluran. Kung ano ang dahilan nila ay ganon din ako. Gusto kong tumira sa Kanluran. Gusto kong makita ang Kaharian kahit hanggang tanaw lang." sagot ko sabay ngiti.
Napatango naman sila ni Karren habang si Russell ay tahimik lang. Nakatitig ito sa baso na may laman na tubig. Kanina pa siya ganyan at hindi ko
