Kulang na lang ay balatan ako ng buhay ng mga titig ni Katrina. Nakangisi ang isa nitong kasamang babae na tinawag kanina ni Charles na Cassie. Maputi ito at makinis ang kutis. Mukha siyang modelo sa Alpha kung tutuusin. Seryoso naman ang tingin ng lalaking nasa tabi nito na si Kevin. Kulot ang buhok nito at maamo ang mukha. May dalawa pang lalaking alius na nasa likuran ng prinsesa. Isang maskuladong lalaking nakasuot ng knitted moss green bonnet, leather suit at tattered jeans at may hawak na higanteng palakol. Nasa tabi nito ang lalaking may katamtamang tangkad at laki ng katawan na natatakpan ng maskara ang kalahati ng katawan at may suot na parang pang mongha. May markang ekis pa sa pisngi nitong walang tabing.
Sa itsura nila'y mukhang sanay sila sa pakikipagpatayan. Mistulang mga p
