LESSON 16
“Two Is Better Than One”
PINIGILAN ni Charlotte ang kanyang luha nang lisanin niya ang clasroom. Ngayon lang siya nakaramdam ng ganitong napakabigat na pakiramdam. Parang nagsama-sama na lahat ng emosyon, problema at hinanakit niya at hindi na niya kayang dalhin pa ang mga iyon.
Nasa hallway na siya nang bigla siyang harangin nina Morgan at Paris. Kapwa naka-crossed arms ang dalawa.
“At saan ka naman pupunta?” tanong ni Morgan. Itinukod nito ang dalawang kamay sa magkabilang gulong ng kanyang wheelchair.
Nakipaglaban siya ng titigan dito.
“Pwede ba, Morgan, wala ako sa mood na makipagsindakan sa iyo. Umalis ka sa daraanan ko kung ayaw mong banggain ulit kita katulad kanina!” Matapang na turan niya.
“Oh, wow! So, sinadya mo pala talaga iyong pagbangga sa akin kanina. Alam m
