NAALIMPUNGATAN ako nang makarinig ng kalabog at kasabay niyon ang naaamoy kong mabangong aroma, kaya nang mahimasmasan ako mula sa pagkakatulog ay dali-dali akong bumangon sa kama. Dumiretso ako sa kusina dahil nakita kong bukas ang ilaw doon. Laking gulat ko pa nang mapagsino ang taong nasa harapan ng kalan habang nagluluto ngayon sa sarili kong kusina.
"A-ano`ng ginagawa mo rito?" gulat kong tanong habang kinukusot ang aking mga mata.
Humarap ito habang nakangiti nang malapad sa akin. "Nagluluto. Gusto ko kasing magluto ngayon, e," sagot nito.
"Nang ganitong oras, Dale? Wala ka bang sariling kusina para doon ka magluto? At saka paano ka nakapasok dito sa apartment ko?" tigagal kong tanong habang nakapamaywang na sa harap niya.
"Gusto sana kitang i-surprise kaso mukhang hindi mo nagu
