HINDI NA AKO BUMALIK pa sa opisina dahil alam kong hindi rin naman ako makakapag-trabaho nang maayos. Nagsabi na rin ako kay Camille na nagkaroon lang ako ng emergency kaya hindi na ako nakabalik pa ng opisina. Napagpasiyahan kong umuwi na lamang sa apartment para dito ibuhos ang lahat ng sakit na kanina ko pang gustong ilabas, pero hindi ko magawa sa harapan ni Lander. Ang hirap magpigil ng mga luha lalo na kung ang tagal mong nagtago sa iyong sariling maskara.
I wanna beat him so bad. Gusto kong sabihin lahat ng hinanakit ko sa kaniya. Gusto ko siyang sumbatan. Ang dami kong gustong ibato na mga masasakit na salita sa kaniya kanina, pero bakit ako natahimik? Bakit ako nagpigil? Bakit? Kasi sa kabila ng lahat ng mga masasakit na bagay na gustong-gusto kong gawin sa kaniya ay mas nananai
