ALAM naman ni Jianna lahat ng sasakyan ni Luther. Lahat ng iyon ay nasakyan na niya. Kaya nga umaasa siya na hindi ang nobyo ang lulan ng sasakyang sinusundan nila. Iyon din ang pinapaniwalaan ng kaniyang puso sa mga oras na iyon. Sadyang makulit lang talaga ang isip niya dahil na rin sa mga narinig niya kanina na sinabi ng mga empleyado nito.
“Kung hindi n’yo ho mamasamain, Ma’am, sino nga pala ang sinusundan natin?” dahil masiyadong malalim ang kaniyang iniisip kaya bahagya lang niyang narinig ang tanong na iyon ng taxi driver.
“Boyfriend ko ho. Si Luther Fuentebella,” tila wala sa sarili na sagot ni Jianna.
“Ho? Si Luther Fuentebella na may-ari ng mall? Bakit hindi n’yo naman ho agad sinabi?” Napalingon siya sa taxi driver nang ihinto nito ang sasakyan at saka napakamot sa ulo. “Big
