SA isang mansiyon sa Manila inuwi ni Marsean si Jianna pagkagaling nila sa bar. Nang dahil sa kalasingan at sa sakit na pinagdadaanan kaya hindi na niya inalam kung kaninong bahay iyon.
Ni hindi na siya tumutol nang alalayan siya ni Marsean habang paakyat ng hagdan at dinala sa isang silid. Pagkahiga niya sa malambot na kama ay agad siyang nakaramdam ng antok na hindi niya kayang pigilan.
Ngunit bago tuluyang nakatulog ay naramdaman pa ni Jianna na tumutulo ang kaniyang mga luha.
Nagising siyang humahagulhol. Parang may mabigat na bagay ang nakadagan sa dibdib niya. Nawala na ang epekto ng alak na ininom niya kagabi pero ang matinding kirot sa puso niya ay hindi pa rin naglalaho.
"Jianna, what happened?" Bakas ang sobrang pag-aalala sa mukha ni Marsean nang pumasok ito roon. "I'm so
