Hindi maalis-alis ang tingin ni Thea sa kapatid nasa loob pa rin ng ICU. Marami pa ring aparato ang nakakabit dito at hanggang ngayon ay hindi pa rin nagigising.
Pagkatapos nilang makipagkita kay Gabby ay nakiusap siya kay Calvin na ihatid siya sa ospital. Kasama niya roon sina Brandon upang makasiguro na ligtas siya.
Kahit na itinuturing nang suspek si Gabby ay hindi pa rin naniniwala ang nobyo niya na tapos na ang pananakot sa kanya lalo at itinatanggi ito ng una.
"I can't believe Gabby could do this," narinig niyang sabi ni Michelle na nasa tabi niya.
Naikuwento na kasi niya rito ang nalaman nila mula sa imbestigasyon at tulad nilang lahat ay natulala rin ito at labis na nabigla. Hindi pa rin naman napapatunayan na si Gabby rin ang may gawa ng pamamaril sa kuya niya. Lalo pa at kila
