Calvin
"Pinuntahan namin iyong babaeng sinasabi niyong nakasagutan ni Miss Carlos noong isang linggo. Iyong dati niyong sekretarya. Sa nakita namin, wala siyang kakayahang gawin ang mga banta ng panganib sa nobya niyo... sa ngayon," sabi ng pulis na nakatalaga sa kaso ni Thea.
Bisita niya ito ngayon sa kanyang opisina. Dito niya ito kinausap dahil ayaw niya na labis na mag-alala ang nobya niya sa kung ano man ang dala nitong balita ukol kay Lucy.
Hindi rin naman siya kumbinsido na si Lucy ang may kagagawan ng lahat ngunit mabuti na iyong nakakasiguro sila. Isa pa ay ilang taon na rin itong hindi nagpapakita sa kanya.
"Nakatira si Miss Valdez sa isang lumang apartment sa Quezon City, sabi ng mga napagtanungan namin doon ay ilang taon nang nangungupahan ang pamilya nito doon. Nag-ibang b
