Hindi natapos ang gabi na ‘yon na hindi nakabalik si Blessy sa kaniyang kuya Iyel. Kaya ngayon ay nasa hapag kainan ang tatlo para pagsaluhan ang ‘hindi masiyadong masayang’ gabihan.
Nakatingin si Blessy sa kaniyang plato para lang hindi na siya pagdiskitahan pa ni Iyel. Si Vaun naman ay parang walang kasalanan sa nangyari. Taas-noo itong kumakain habang napupuyos naman sa inis ang matalik nitong kaibigan na si Iyel. Sa kanilang tatlo, si Iyel lang ang may napaka-ingay na kubyertos. Bawat pagtarak niya sa karne ng baka ay parang saksak sa leeg ni Vaun.
“Tignan mo. Halos mamaga na yang labi mo nang makasama mo lang ‘tong asawa mo. Wala pa kayong tatlong oras niyan ah.” Inis na usal ni Iyel matapos maobserbahan ang itsura ng kaniyang kapatid. “Nawala ka lang sa paningin ko saglit tapos nau
