Sa halip na alamin pa ang mga tanong sa isip niya, patuloy siyang naglakad, patuloy na pinakikinggan ang musikang iyon, binagtas niya ang salansan ng mga bandila ng Pilipinas, at tinungo ang gilid ng Light and Sounds Complex, kung saan nababanaag niya ang isang mural. Patukoy siyang naglakad, hindi na niya matukoy kung anong mga establisyemento na ang nadaanan ng mata niya, o kung ilang mga hakbang na ang nahakbang niya. Hanggang sa matapakan na ng paa niya ang lokasyon ng Central lagoon na iyon, kung saan iilang kumpulan na ng mga tao ang nakatayo at ang iba’y nakaupo na nakatunghay sa pagsisimula ng paglagaslas ng matataas at malalaking water fountain. Reds and greens spurted and the sunset was a beautiful blanket of picture from behind, almost magical. Nasa gitna siya, sa harap ng peaco
