"Ang vitamins mo, nasa bag na ba?" tanong niya sa akin habang nag-aayos ng gamit niya. "Dala mo ba?" biglang lumingon sa kina-uupuan ko.
"Ha?" parang engot lang na nasabi ko. Napabuntong hininga na lang siya at tumayo para kunin ang mga vitamins ko na kailangan kong inumin sa school mamaya. Siya na mismo ang naglagay sa bag niya.
"Ako na ang magdadala para sigurado." Muli siyang bumalik sa kinauupuan at itiniklop ang mga dadalhing t-shirt. "After school, iuuwi kita dito. May interview ako mamaya sa Auto Repair Shop."
Napakunot ako ng noo. "Interview? Kailan ka pa nag-apply?"
"Kahapon naka-usap ko ang may-ari ng shop. Kulang daw sila sa tao so after school, ihahatid lang kita tapos doon na ako agad pupunta." Napasimangot ako sa sinabi niya. Sa ilang araw na magkasama ka
