Para kay Precia, dekada ang katumbas ng mga buwan na binibilang niyang dumaan. Napatingin siya sa kalendaryo na nakapatong sa kaniyang study table.
"Ten days..." bulong niya habang kapa-kapa ang kaniyang dibdib na naninikip dahil sa pangungulila sa lalakeng nagmamay-ari ng kaniyang puso.
Ten days na lang birthday na niya. Samu't sari ang kaniyang nararamdaman. Nandiyan iyong excitement dahil debut na niya in ten days. Excited dahil magkikita na ulit sila ng lalakeng ilang buwan na niyang hindi nakikita. At excitement dahil magkikita sila na legal age na siya.
Napangiti siya. Nang mapansin na basa ang pisngi ay kumuha siya ng tissue upang punasan at tuyuin ang mga luha.
Madalas pa din siyang umiyak. Halos araw-araw. Kahit gaano pa siya ka-busy sa buong araw, may time pa din na sumis
