Napagalitan ako ni Sonia nang makauwi ako.
“Hindi ko alam kung paano ka hahanapin!”
Nangiwi ako.
“Sana talaga ako ang sumama sa ‘yo.” Mariing anito.
Napatungo naman ang limang servant na hindi iyong madadalas kong kasama para hindi nila ako mapigilan.
“Pasensiya na, Sonia.” Nginitian ko siya.
“Saan ka galing?” tanong niya.
“S-sa 8th palace.”
“Oo nga pala.”
Napapansin ko na maiinitin ang ulo ni Sonia, lalo kapag nakikita niya ang Royal Knight na si Aleexar, samantalang hindi naman nakakainis tingnan si Aleexar. Para nga siyang palaging masaya.
Hindi ko nasabi ‘yong sa 4th palace.
Naunang umalis si Sonia dahil tinawag na naman ito. Bakit ba napapadalas ang pagkausap dito ni ama? Hindi tuloy niya ‘ko nababantayan.
Nilingon ko ang mga kababaihan sa ‘king likuran, “Shh,” hinarang
