Natawa ang lalaking nagsalita sa ‘king tabi na tila ‘di nalalayo ang edad sa ‘king ama. Malaki siyang lalaki at malalaki ang mga muscles.
“Siana, baka masugatan ka.” Kinuha ng emperador ang espada sa ‘kin.
Natawa naman ang lalaki, “Kailangan mo siyang turuang gumamit ng sandata. Sa panahon ngayon, malaki ang tiyansa ng babaeng mabuhay kung marunong siyang gumamit ng sandata.”
Hindi kumibo ang emperador.
“Marunong akong gumamit ng pana!” masayang pagyayabang ko sa lalaki.
“Oh?” napapatango ang lalaki.
Ngumiti ako, “Pero sa lugar namin mga lalaki lang ang pinahahawak no’n. Pero pumupuslit ako. Napagagalitan nga ako kapag nagkakasugat ako. Kung puwede lang ako masugatan ng malalim, siguro hindi ko na ‘yon tinigilan.” Kuwento ko pa. Bawal sa ‘kin ang magkaroon nang malalim na sugat na
