Kinabukasan. Ito ang huling araw namin sa Freed Market, at nangako ang kamahalan na ipapasyal niya ako. Dala niya rin sa kanyang suksukan ang sandata na nakuha sa subastahan. Ayoko munang alamin ang presyo baka himatayin ako nang wala sa oras.
“May gusto ka bang subukan, Siana?” tanong niya nang tumitingin kami sa mga alahasan na gawa sa iba’t ibang imperyo.
“Gusto kong subukang uminom ng serbesa, kamahalan!”
Napatitig siya sa ‘kin, parang palaging gulat ang kamahalan.
“Gusto kong mag-inuman tayo,” natatawang sabi ko. Pero alam ko na ‘di siya papayag.
“Gusto kong uminom, kamahalan, tapos marami tayong pulutan! Isama na rin natin na gusto ko lang sa silid tayo, nag-uusap at nagyayakapan, iyon talaga ang gusto ko.” Idinaan ko ‘yon sa biro.
“Binibini, nabibigla ang ginoo sa ‘yo dahil
