"Natawagan mo na ba ang school mo para sa requirements na kakailanganin sa pag-transfer?" tanong sa kanya ni Samir kinagabihan.
"Oo, tinawagan ko na kanina. Pupunta ako bukas para personal na makuha at para dalawin na rin si Nanay."
"Kailan ka babalik? Nasa Cebu ako bukas para sa conference, sa Huwebes pa ang balik ko."
"Nandito na ako ng Miyerkules," sagot niya. Tatlong araw mawawala si Samir at ito ang unang pagkakataon na ilang araw silang hindi magkakasama.
"You will miss me, I can read your mind," nakangiti nitong wika na yumakap sa kanya.
"Baka may makilala kang magandang babae sa Cebu ha, makalimutan mo 'ko."
Isang halakhak ang pinakawalan ni Samir saka binuhat siya papasok sa silid at inihiga sa kama.
"Pagkatapos mo 'kong baliwin sa tingin mo ba ipagpapalit pa kit
