Summer POV
"A-ano ang ibig sabihin nito Summer? Bakit hindi ka makapagsalita?!" napatingin ako kay Claude na ngayon ay nangingilid na rin ang luha sa kanyang mga mata. Kitang-kita ko kung paano pinipigilan ni Claude na huwag bumagsak ang kanyang luha at hindi ko nagugustuhan ang nakikita ko sa kanya.
Hindi naman ako agad nakasagot sa kanyang tanong. Hindi ko nga rin alam kung bakit ito nangyayari sa akin ngayon. Akala ko kanina pagpunta ko dito ay magiging maayos na ang lahat pero nagkamali ako. May mga bagay na hindi pala aayon sa 'yo. Rinig na rinig ko din ang mga sinasabi ng ibang ka-schoolmate namin. Pero walang akong paki sa kanila ngayon dahil si Claude lang ang mahalaga sa akin ngayon. Pero gusto kong magsalita pero magpaliwanag sa kanya pero ni isang salita ay walang kumawala sa
