AVYANNA'S POINT OF VIEW
"Anak tumawag sa akin ang Tita Penelope mo," sabi ni Mama. "May masama siyang balita."
"Ano po iyon?" kinakabahang tanong ko. Wala naman sanang masamang nangyari sa kanila.
"Pina-check up niya si Justin sa isang psychiatrist dahil may nagawa raw ito na hindi niya matandaan, bigla na lang niyang nasakal ang kaibigan niya," Napasinghap naman ako sa sinabi niya.
"Ano pong nangyari kay Justin?" tanong ko.
"Sabi ni Tita Penelope mo, na diagnosed ng psychiatrist na may dissociative identity disorder ito, ito ang dahilan kung bakit bigla na lang nanakal si Justin ng hindi niya alam, kinontrol siya ng isang pagkatao niya," paliwanag niya.
"Hala, magagamot naman po ito diba?" sabi ko.
"Iyon ang sabi ng Tita Penelope mo, hangga't maaga ay kailangan magamot na ang sakit
