Malalim na hininga ang hinugot ko bago sumunod kay Migz papasok sa kanilang bahay. Wala naman akong ginagawang masama kaya hindi ko malaman kung bakit parang may daga sa dibdib ko na ‘di mawala-wala.
Nakahanda na akong mabato ng kahit na anong bagay kaya naman nagulat ako nang si Pepper lang ang sumalubong sa amin. Tinatalon niya ako kaya lumuhod ako at hinimas ito. Napangiti ako dahil sa pagiging maligalig nito kahit na matagal na kung tutuusin noong huli kaming nagkita. Buti pa siya ay madali kong napaamo, ‘yung nagmamay-ari sa kanya mukhang malabo ko yatang makasundo kahit anong gawin ko. Kapag kasi mas lalo kaming nagiging malapit ni Migz, mas lalo ring lumalayo ang loob ni Claudia sa akin.
“Kahit ipasok mo na ‘yung heels mo,” sabi ni Migz. Tumayo ako at tyaka sinuyod ng mga mata k
