Chapter 37
Mahigit isang buwan na ang nakalipas matapos ang birthday ni Christian at matapos rin ang mainit na komprontasyon namin ni Caroline. Nanatili akong kaibigan ni Christian kahit pa nga tutol si Caroline, pero hindi na kasing-dalas ang pagkikita namin hindi kagaya noon. Mas madalas ngayon na kasama ni Christian ang girlfriend niya na sa isang banda ay tama lang rin dahil may relasyon sila. Tinuloy ko lang ang buhay ko kung paano ito noon. Naka-graduate na si Lorenzo noong isang buwan sa high school habang si Liezel naman ay noong isang linggo at kasalukuyan ngayon na naghahanap na ng mapapasukan para raw makatulong sa akin sa mga gastusin sa bahay. Nagsimula rin ako ng online business ko ng mga kung anu-ano na pwede kong ibenta habang nagtatrabaho ako, at so far ay maganda naman a
