Chapter 62
Ilang araw na ang nakalipas mula ng ilibing si Francis pero hanggang ngayon ay masakit pa rin sa akin ang lahat. Hanggang ngayon ay hindi ko pa rin lubos maintindihan kung bakit ganito ang sinapit niya sa kabila ng kabutihan ng loob niya. Ngunit gayun pa man ay pilit kong nilalabanan ang lungkot at pangungulila sa pagkawala ng isang tao naging pader ko at katuwang. Kailangan kong ituloy ang takbo ng buhay ko kahit mahirap at kahit pa may isang tao na naman na malapit sa akin ang kinuha sa akin ng Diyos. Kailangan kong magpakatatag hindi na lang para sa mga kapatid ko ngayon kung hindi para na sa anak ko.
Sinabihan ako ni Tita Mary-ann na huwag na muna akong pumasok sa trabaho kung hindi ko pa kaya at pinaalala niya rin sa akin noong huli kong punta dun sa bahay niya ng araw
