Chapter 74
Nang makaalis na si Christian ay para pa rin akong lutang sa naganap sa amin sa sala. Hindi ko inakala na hahalikan niya ako. Hindi ko yun inaasahan na mangyari. Hindi naman siya siguro nalasing sa tatlong latang beer na nainom niya pero ako, nalasing. Nalasing ako hindi sa beer kung hindi sa halik niya. Ang sarap niyang humalik kahit pa sabihin na sandali lamang naghinang ang mga labi namin. Puno ng pag-iingat at banayad ang halik na pinatikim niya sa akin kaya hindi ko maiwasan na kiligin.
Hanggang sa mga oras na ito ay ramdam ko pa rin ang init ng labi niya sa mga labi ko. Hindi agresibo ang halik niya sa akin pero mas hinaplos nito ang puso ko. Dinaig nito ang unang beses na naghalikan kami noong panahon na lasing na lasing siya. Para akong teenager na hindi mapakali nga
