Chapter 24
Kahit na binabagabag ang isip at puso ko, tinuloy ko pa rin ang takbo ng buhay ko. Kahit pa labis ang pag-aalala ko para kay Christian at sa magiging resulta ng lahat kapag nalaman na niya ang totoo ay pumasok pa rin araw-araw sa trabaho ko. Halos isang linggo at kalahati na ang nakalipas mula ng huli kaming mag-usap ni Francis nang makarinig ako ng balita sa kanya. Hindi ko alam kung paano niya nagawa ang ibinalita niya sa akin pero nagpapasalamat ako sa kanya at sa Diyos dahil napatunayan niya na may ibang karelasyon nga si Caroline. Ang klaro lang sa akin ng tawagan niya ako ay kumuha siya ng imbestigador para magmanman kay Caroline sa nakalipas na isang linggo. Mamaya ay magkikita kami, susunduin niya ako sa trabaho at pag-uusapan namin kung paano namin ilalatag at sasabihi
