Chapter 72
Naging busy na ako dahil hindi na ako inalalayan ni Tita Mary-ann sa negosyo na naiwan ng anak niya. Kaya ko na daw ito mag-isa at isa pa ay aalis siya ng bansa. Magbabakasyon daw muna siya sa isang kapatid niya sa abroad para magpa-hilom sa pangungulila niya kay Francis. Bukod sa negosyo na naiwan sa akin ni Francis ay pumasok na rin ako sa isang culinary class bilang pagtugon ko sa isang kahilingan sa akin ni Francis noong nabubuhay pa siya. Mahirap man hatiin ang aking oras dahil may anak pa akong inaasikaso ay pinipilit kong gawin ang mga ito.
Nasa opisina ako ngayon, kakatapos ko lang pumasok kaninang umaga sa klase at dito na ako dumeretso. May importanteng dokumento na kailangan kasi akong basahin at pirmahan kaya kahit pa nga gusto ko ng umuwi dahil may sinat si Franc
