Kabadong-kabado tuloy ako habang palabas ng bahay dahil hindi naman ako mukhang maglalaro ng tennis sa get-up ko ngayon!
“Ano naman ‘yang suot mo, bruha?” komento pa ni Fritz nang makasakay ako sa kotse n’ya. Inambaan ko kaagad s’ya ng batok pero agad na umilag s’ya at tinaasan ako ng kilay. “Oops! Not my hair! My date pa ako after this mission!” reklamo pa n’ya. Umikot ang mga mata ko.
“Sana man lang tinext mo ako na maglalaro pala tayo ng tennis ngayong gabi! Muntik pa tuloy akong mabuking ni Daddy dahil sa suot ko!” reklamo ko rin at saka sumandal at humarap sa labas ng bintana.
Tumawa s’ya at saka nagreklamo din. “Aba, bruha ka! Hindi ba sinabi sa’yo ng magaling mong d’yowa na kakatawag n’ya lang sa akin kanina? Buti na lang at hindi na nag-usisa si Tito kung bakit gabi tayo maglala
