Episode 38
Tristan Deib Saffiro
Ilang taon na rin ang lumipas ng umalis si Ashley. Akala ko noon ayos lang sa akin na umalis siya. Pero hindi pala simula ng umalis siya at iniwan ako, doon ko napagtanto na mahalaga siya sa akin. Iyong bang lagi ko siyang namimiss, iyong kakulitan niya, pagka-abnormal niya pagminsan.
Hindi ko rin nga maintindihan ang sarili ko dahil kasama ko naman si Natalia na akala ko siya na talaga pero biglang nag-iba. Alam ko noong una na siya ang mahal ko dahil hinayaan kong umalis na lang ng gano'n-gano'n na lang si Ashley ng hindi siya pinipigilan.
Pero mali pala ako dahil sa ilang taon na pagsasama namin ni Natalia marami ang nag-iba. Simula ng umalis sa probinsya si Ashley nagdesisyon ako na bumalik na dito sa Manila kasama sila Aden. Sinunod ko ang kagust
