CHAPTER 56
Acutus' POV Kasalukuyan akong nakatingin sa salamin sa loob ng silid namin ni Nitidus. Napansin ko na tila maaliwalas ito kumpara noong unang nilapitan ko ito. Hindi ko na rin nakikita ang repleksiyon ni Nitidus sa salamin mula nang araw na huli ko itong nakita sa talon ng Tempus. Iyon ang unang pagkakataon na ang totoong imahe ng Tractatio ay lumabas mula sa salamin. Sino ba ang mag-aakalang wawangis ito batay sa itsura ng nagmamay-ari sa kaniya. Pinasadahan ko nang tingin ang kabuuan ng salamin nang pumasok si Nitidus sa loob ng silid. Kaagad itong napatingin sa akin at lumapit. "Anong tinitingnan mo riyan?" tanong niya. "Nasaan na ang Tractatio?" tanong ko pabalik sa kaniya. "Kung ang tinutukoy mo ay ang kagaya ng wangis ko na nakaharap mo sa Tempus, isa lamang iyong panlilinlang,"
- Writer
