“Kung ayaw mong kainin, akin na. Ako ang kakain,” inis na sabi ko.
Pero nagsimula na rin siyang kumain agad kaya hinayaan ko na siya. Tignan mo ‘to, kakainin din pala kailangan pang mag-reklamo. Pasalamat talaga siya at nasa mood pa ako na ilibre siya, dahil kung hindi ay pinabayaan ko na siyang sumonod-sunod sa akin.
“Ang dami naman kasing masarap na kainan malapit dito, ito pa talaga ang napili mong kainin ngayon,” halos pabulong na sabi niya pa.
“Gusto ko na umuwi,” wala sa sariling sabi ko.
Gustong-gusto ko na kasing magpahinga talaga dahil ilang araw na rin akong kulang sa tulog. Ramdam ko rin na pagod na talaga ang katawan ko pero kaya ko pa naman mag-trabaho ngayong araw.
'Yon nga lang ay sigurado ako na bagsak agad ako mamaya pag-uwi ko.
Sana lang ay hindi kami mag-overtime t
