NANG sumunod na araw ay may dumadating na pagkain, bulaklak at gamit sa bahay muli namin, lahat ng iyon ay bigay ni Quillon at ang nagdadala ay si Carlo — secretary ni Quillon.
“Ate Elle, mayroʼn din kami, oh! Boto na talaga ako sa kanya! Gusto na namin siyang makilala.”
Tinignan ko si Karleen na hawak ang bulaklak at ang gift sa kanya, maging sina tita Kathy and Jeremiah. Nakausap na rin naman nila si Quillon sa video call, tinanong din siya ni tita Kathy kung totoong mahal niya raw ba ako dahil nasaktan na ako ng once. Sumagot din naman siya agad ng 'oo' kaya napabilib si tita Kathy.
“Elle, gusto ko rin siyang makilala sa personal. Nakausap naman namin siya sa video call, pero mas maganda kung makikilatis namin siya sa personal. Nasabi mo na rin ba ito sa mga kaibigan mo?” tanong n
