"Hindi ako makakapayag Renato" malakas na sabi ni Belinda na ikinagulat ng lahat lalo na ni Intoy.
Tumayo ito sa pagkakaluhod sa paanan ni Don Renato at may dinukot sa bag nito. Si Intoy ang unang nakakita kung ano iyon kaya naging alerto ang binata at sumulyap ng tingin sa gawing kusina kung saan nasulyapan niyang naroon at nagtatago si Tenyente Sandoval.
Isang baril ang inilabas ni Belinda at nanginginig na itinutok sa matandang noon ay natulos sa kinatatayuan. Pati rin si Intoy ay natulos sandali ganun din ang mga katulong at maging ang opisyal na nagkukubli. Nang mga sandaling iyon ay ang kaligtasan ni Don Renato ang mahalaga. Nagiisip ng tamang gagawin ang opisyal at dahan dahang gumawa ng kilos. Si Intoy naman ay unti unti ring kumilos para sana idistract ang babae para hindi map
