Nakita rin ni Intoy na nanlalaki ang mga mata ng ama kapag tumitili si Yvonne at sumisiksik sa dibdib ng ama. Alam ni Intoy na may progress ang ama at hindi na magtatagal ay makakakilos na din ito ng normal. Sumenyas si Intoy sa katulong na dalhan siya ng beer at magdala na rin ng prutas para sa ama. Gusto niyang sundutan ng beer ang pagod na katawan para mahimbing ang tulog niya. Malaki ang pasasalamat ni Intoy sa pagalalay ng abogado ng kanilang pamilya dahil naging magaan ang lahat para sa kanya. Pero inaamin ni Intoy na hindi madali ang naging trabaho ng ama kahit pa nga ito pa ang may ari ng kompanya.
Humugot ng malalim ng hininga si Intoy dahil para siyang binunutan ng tinik na malalim na nakabaon ng matagal sa dibdib niya. Nagpapasalamt din si Intoy na makakampante na rin ang kaloo
