Pagkatapos magsalita ni Eric ay tumayo ang lahat kasabay ng nakakabinging palakpakan. Pasimpleng pinunas ni Yzabella ang luhang dumaloy sa kanyang pisngi at huminga ng malalim pagkatapos ay tumayo upang makigaya sa karamihan. Pag-angat niya ng mukha ay nakatingin sa kanya ang mga kasama sa table na tila nakikisimpatiya sa kanyang nararamdaman. Nginitian niya ang mga ito upang ipamalas na okey lamang siya ngunit tila may sariling pag-iisip ang kanyang mga luha at kusang bumagsak kahit anong ginawa niyang pagpigil.
“CR lang po ako.”, mabilis niyang paalam sa tatlo bago masundan ang pagbagsak ng kanyang luha. Hindi na niya hinintay ang tugon ng mga kasama bagkus ay nagmamadali na niyang tinungo ang pinto. Pagdating niya sa comfort room ay agad siyang pumasok sa isang cubicle, inilock ang pi
