Humugot siya ng hininga pagkatapos ay nagbilang ng isa hanggang sampu. Matapos niyon ay marahan din siyang nagbuga ng hangin at unti-unting iminulat ang kanyang mga mata.
Nalukot na ang mukha dahil wala pa rin ni anino ng talipandas na si Json dela Vega.
Tuluyan ng nagngitngit ang mga braincells niyang kagabi pa nagmamaktol dahil kinakailangan niyang sumama sa may-sa-bulang talipandas na basta-basta na lang sumusulpot kung saan!
Lalo pa siyang napairap ng maalala ang rason nito kung bakit nasa China din ito kahapon.
"She agreed to invest at DLVC," masayang pagbabalita nito sa kanya nang sila na lamang ang naiwang dalawa.
"Mrs. Zhang is your investor?" may halong gulat niyang tanong.
He just grinned, a satisfied one. Tila ba pinapahiwatig nito na nanalo ito sa pustahan nilang dalawa.
