Kasalukuyan kaming naghahanda sa bahay. Wala si Infernu dahil hindi raw kami puwedeng magkita. Kasal namin ngayon. Napagdesisyonan naming magpakasal sa isang chapel kasama ang malalapit na kaibigan at pamilya. Natutuwa nga ako at nandito lahat ang aking mga kaibigan. Napakabilis lamang ng panahon at lumalaki na rin ang tiyan ko. Nagtaka nga kami dahil four months pa lang naman pero lumaki na kaagad. Hindi iyon normal. Sa susunod na buwan pa ang schedule ko para sa ultrasound. Pero ang sabi ng OB na naka-assign dito sa barangay namin ay posibleng kambal ang ipinagbubuntis ko kaya agad niya akong binigyan ng referral sa kalapit barangay namin para makapagpa-ultrasound. Kung ako lang din ang masusunod ay okay lang sa akin na huwag magpa-ultrasound dahil exciting iyon. Pero si Infernu ayaw pum
