“Sino si, David?” usisa ni Bela sa babae. Kumunot naman ang noo nito at pabalang siyang sinagot.
“Kapatid ko, bakit?”
Napakamot ako sa ulo ko at hinawakan si Bela. Mukhang naiinis na rin kasi siya sa kamalditahan ng babaeng kausap.
“Tama na ‘yan,” saad ko.
“Pasensiya ka na sa abala miss,” wika ko at hinila na si Bela paalis.
“Potang-inang babaeng iyon ah. Tinatanong lang naman, akala mo inaaway,” reklamo niya. Nginitian ko naman siya nang malungkot.
“Okay lang ‘yan, marami pa namang isla rito eh,” mahina kong wika. Malungkot na tiningnan niya ako at mabilis na hinawakan ang aking kamay.
“Pangako, gagawin natin lahat para makita si, Kuya. Hindi ako papayag na hindi siya makita,” saad niya. Tumango naman ako. Paalis na sana kami nang malakas na nagmura si Bela.
“Tang-ina!” sig
