Lumipas ang mga araw ay patuloy ang naging takbo nang buhay namin ni Fred. Hindi alintana ang paligid kung mayroon mang humadlang sa pagmamahalan namin. Nitong mga araw ay mas lalo kong naramdman kung gaano ako kamahal ni Fred. Andun yung kasiguraduhan na akahit anong mangyari ay hindi niya ako iiwan.
Nakasakay ako ngayon sa taxi at ang daan na tinatahak nito ay papunta sa bahay na pinatayo ko. Tumawag kasi si Engr. Lasco kahapon at sinabing tapos na ang bahay.
Pagbaba ko ng taxi ay naabutan ko ang ilang mga trabahador na inaayos ang ilang parte ng bahay at ang iba naman ay abala sa pagpasok ng mga kagamitan.
Napangiti ako ng wala sa oras ng makita ang kabuuan ng bahay. Hindi ko inakala na mangyayari ang araw na ito. Ang makita ang katas at bunga ng mga ginawa ko. Pangarap ko lang ito p
