┈┈┈┈◦•✩•◦┈┈┈┈
Anim na linggo na rin ang lumipas simula nang mag-propose si Maguz kay Janine. Hindi pa rin sila officially magkasama sa iisang bahay, pero malaya silang bumibisita sa isa’t isa, at iyon ang gusto ni Janine. May mga gabi na nasa condo si Maguz, minsan naman si Janine ang dumadalaw sa unit ni Maguz. Pero lately, mas madalas na wala si Maguz sa Manila. Kadalasan ay may mga mission siya kasama si Owen, at kadalasan pa ay sa malalayong probinsya ang misyon nila. Sa ngayon nga ay nasa Mindoro sila. May critical silang binabantayang sitwasyon... isang grupo ng pinaghihinalaang terorista ang umano ay nagtatago sa kabundukan doon, at kailangan nila itong tutukan nang mabuti at bantayan.
Mag-isa lang si Janine sa condo ngayon. Katatapos lang din ng pag-uusap nila ni Maguz sa phone.
